ازيك ياريس وازيى الحكومه

ازيك ياريس وازيى الحكومه

[ندعوك للتسجيل في المنتدى أو التعريف بنفسك لمعاينة هذه الصورة]


ازيك ياريس
وازيى الحكومه
شعبك مهييس
واوعوا تلومونا
مصهلل
متيس
وواخد صابونه
منك ياريس


[ندعوك للتسجيل في المنتدى أو التعريف بنفسك لمعاينة هذه الصورة]



ازيك ياريس
وازيى الحكومه
فى عهدك ياريس احنا انتهينا
وتوهنا فى بلدنا ماحنا اتعمينا
سرقنا وشحتنا واتمدت ايدينا
كرهنا الدنيا ودارت علينا


[ندعوك للتسجيل في المنتدى أو التعريف بنفسك لمعاينة هذه الصورة]


ازيك ياريس

وازيى الحكومه

صبرنا ياريس لحد الكفايه

وقولنا نسايس لحد النهايه

ونحلم ببكرة ونعمل بدايه

وحكومتك ياريس تالف حكايه

ونحزن وبكى ياريس كفااايه



[ندعوك للتسجيل في المنتدى أو التعريف بنفسك لمعاينة هذه الصورة]



ازيك ياريس
وازيى الحكومه
عايزين من الشعب ايه عرفونا
يمكن ننفض ونعصر لمونه
خنقتونا وموتونا وكفرتونا
تعرف ياريس
ناقص تاكلونا


[ندعوك للتسجيل في المنتدى أو التعريف بنفسك لمعاينة هذه الصورة]



ازيك ياريس
وازيى الحكومه
عايزين نحلم ببكرة
ونعمل انجاز
بدل مانموت فى روحنا
ونولع فى نفوسنا بجاز
سمعنا عن بترول وفحم وغاز
درسنا الحضارة وعظمه الفراعنه
خوفو وخفرع وكليوبترا
وقرينا حكايات
فاكرها ياريس
ول اللى فات مات ؟؟

اللى فات مات ؟
كويس كويس
ازيك ياريس


[ندعوك للتسجيل في المنتدى أو التعريف بنفسك لمعاينة هذه الصورة]



زيك ياريس
وازيى الحكومه
اعلامك ياريس تحت السيطرة
مسئولك ياريس مركب حنجرة
بيعرف يثبت ويعمل استرة
بيحلل نفاق وحبه منظرة
ووعود حكومه عايزة الصنفرة
دى الناس ياريس جيوبها ماشفرة
كان لازم ننفجر ونعبر عن ارادتنا
الخوف ياريس خانقنا مموتنا
وحب مصر بلدنا هو اللى مسكتنا
بس حكومه بلدنا واقفه فى سكتنا
خلالالاص شبعنا اااهات
واحنا نزلنا يوم التلات
علشان نضرب سلامات
ونبان معاك فى الصورة
ونقولك ازيك ياريس
وازيى الحكومه


[ندعوك للتسجيل في المنتدى أو التعريف بنفسك لمعاينة هذه الصورة]



الثلاثاء 25 1 2011

يوم الشعب المصرى

يوم الارادة


منقووووووووووووول من شاب بيحب مصر